Каталониянинг "Барселона" клуби бош мураббийи Хави Эрнандес Чемпионлар лигаси 1/8 финалида "Наполи" билан бўладиган ўйиндан олодинги фикрлари билан ўртоқлашди. Испаниялик мутахассис жамоасининг чорак финалга чиқиш имкониятларини баҳолади.
"Наполи" билан ўйинлар? Биз Италия чемпиони билан ўйнашимиз керак. Жамоа биз билан деярли бир хил ҳолатда. Ўтиш имкониятини 50/50 деб баҳолаган бўлардим. Уларда Вальтер Маццарри каби янги мураббий бор, у кўпроқ ҳимоявий ўйин кўрсатади. Бу қийин ўйинлар бўлади", - деди Хави матбуот анжуманида.
Эслатиб ўтамиз, "Барселона" охирги марта 2019/20 йилги мавсумда Чемпионлар лигасининг чорак финалида ўйнаганди. Ўшанда жамоа “Бавария”га йирик 2:8 ҳисобида мағлуб бўлди.