Винисиус Жуниор Испания Суперкубогида иштирок этиши мумкин.
"Реал Мадрид" ва Бразилия терма жамоаси вингери Винисиус ноябрь ойида терма жамоалар ўртасидаги танаффус пайтида жароҳат олган эди. Дастлаб Винисиус 2,5 ойни ўтказиб юбориши кутилганди.
ESPN нашри хабарига кўра, Винисиуснинг тузалиши муддатидан олдин кечмоқда ва айни дамда "Реал Мадрид" тиббиёт ходимлари бразилиялик футболчини "деярли соғлом" деб ҳисоблашмоқда. Клуб таклифига кўра, Винисиус Испания Суперкубогида иштирок этиши учун Ла Лигадаги қишки танаффусда ҳар куни машғулот ўтказади.
Испания Суперкубоги Саудия Арабистонида 10-14 январь кунлари бўлиб ўтади. Мадриднинг "Реал" клуби турнирнинг ярим финалида "Атлетико"га қарши майдонга тушади.
