"Женоа" ҳимоячиси Раду Дрэгушин ўз клуби билан янги шартнома имзолайди.
Буни жамоанинг спорт директори Марко Оттолини ҳам тасдиқлади: "У 2028 йилнинг июнигача янги шартнома имзолайди".
Аввалроқ, "Барселона" футболчини кузатаётгани ҳақида маълумотлар бор эди. Унга "Манчестер Юнайтед", "Арсенал" ва "Ньюкасл" ҳам қизиқиш билдирмоқда.
Эслатиб ўтамиз, ёзда "Женоа" футболчини бир йиллик ижарадан кейин "Ювентус"дан 5,5 миллион еврога сотиб олганди. Унинг клуб билан шартномаси 2027 йилнинг ёзига қадар амал қилади.
Жорий мавсумда Раду “Женоа” сафида 19 та ўйинда майдонга тушиб, 1 та гол ва 1 та голли узатмага муаллифлик қилган.
