Россия ёшлар терма жамоаси бош мураббийи Николай Писарев чорак финал ўйинидан кейинги матбуот анжуманида ҳар иккала жамоа юқори савиядаги ўйин кўрсатганини ва Россиянинг ўзи эса мусобақадаги энг яхши ўйинини намойиш қилганини таъкидлади.

"Ўзбекистон терма жамоаси ҳақида бунгача ҳам гапиришга улгургандим. Улар яхши, шаклланган жамоа. Уларнинг сафида яхши савиядаги бир қатор футболчилар бор. Ўйиндан қониқиш ҳосил қилдим. Бугун мусобақада аниқ мақсадни кўзлаб тўп сурдик. Ушбу жиҳатни сақлаб қолишимиз зарур. Буган ҳар иккала жамоа томонидан юқори савиядаги ўйин намойиш қилинди. Албатта, рақибни кучига етарли баҳо бермаслик ҳолати бўлмади. Биз уларни яхши билган ҳолда, ўйинга тайёргарлик кўрдик", дейди Писарев.