Ўтган йил охирида Аргентина терма жамоаси Лионель Месси билан жаҳон чемпионатида ғолиб чиқди. Ўша турнирда Нидерландия терма жамоасини бошқарган Луи ван Гал кейинчалик жаҳон чемпионати Мессининг ғалабаси учун сохталаштирилганини айтди. "Апельсинлар" ҳужумчиси Ваут Вегхорст ван Галнинг фикрига қўшилмайди.
"Ван Галнинг Аргентинага нисбатан алоҳида сўзлари? Йўқ, ростини айтсам, мен унинг фикрига қўшилмайман. Мен унинг айтганларини эшитдим, лекин ундай деб ўйламайман", — деди Вегхорст ESPN нашрига.
Эслатиб ўтамиз, ЖЧ-2022 1/4 финал босқичида Аргентина терма жамоаси Нидерландияни пенальтилар сериясида мағлуб этганди. Ўйиндан сўнг Лионель Месси ва Ваут Вегорст ўртасида можаро юзага келди.