Нидерландия кубогининг 2-раундидан ўрин олган ПСВ – “Твенте” учрашуви ноқулай об-ҳаво шароити туфайли бекор қилинди. Бу ҳақда Эйндховен клуби матбуот хизмати ижтимоий тармоқларда расман маълум қилди. Ўйиннинг янги санаси тез орада эълон қилинади.
Айни дамда Эйндховенда кучли ёғингарчилик бўлиб, секундига етти метр тезликда шамол эсмоқда. Синоптикларнинг фикрича, яқин икки соат ичида ёғингарчилик тўхтамайди. ПСВ аренасидан олинган кадрларга қараганда, стадионда улкан кўлмаклар пайдо бўла бошлади - футбол майдони ва унга чиқиш ўртасидаги бўшлиқ сув остида қолди.
Иккала клуб ҳам пайшанба куни турнирда кубок ўйинларини бошлашлари керак эди.
