"Челси" сардори Рис Жеймс жарроҳлик амалиётидан сўнг баёнот берди.
24 ёшли футболчи бир қатор текширувлардан ўтганидан сўнг операция қилдиришга қарор қилди. Ҳимоячи пайшанба куни операция қилинди, унинг сафга қайтиши эса янги йилнинг март ойида режалаштирилган.
“Футбол олами менинг жароҳатим ҳақида биларди, аммо бу вақт давомида мен энг яхши ечим топишга ҳаракат қилдим. Мен бугун такрорланиб турадиган тизза муаммосини ҳал қилиш учун операция қилдирдим. Мен аллақачон жисмоний ва руҳий тикланиш жараёнини бошлаганман.
Бу жароҳатдан кейин кўп қўллаб-қувватландим, лекин менга нисбатан нафрат ва салбий муносабат янада кучайди. Ишонинг, мен хафа бўлишни хоҳламайман. Футбол ўйнаганимда ўзимни энг бахтли ҳис қиламан”, — деб ёзди Жеймс ижтимоий тармоқда.
