Ҳужумчи Луис Суарес Майамининг “Интер” клуби билан келишувга эришди.

36 ёшли футболчи шартномани узайтирмасликка қарор қилиб, Бразилиянинг "Гремио" жамоасини тарк этди ва энди кутилганидек, АҚШга кўчиб ўтади. Inter Miami News Hub хабарига кўра, келишувнинг расмий тасдиқланиши вақт масаласидир. Томонлар ҳамкорликнинг барча шартлари, жумладан, иш ҳақи ва шартнома муддати бўйича принципиал келишувга эришдилар. Майамида уругвайлик футболчи "Барселона"даги собиқ жамоадошлари Лионель Месси, Серхио Бускетс ва Жорди Альба билан бирга тўп тепади.

Эслатиб ўтамиз, Луис Суарес Бразилия А Сериясининг сўнгги мавсумининг энг яхши футболчиси деб топилди.