"Интер Майами" клуби ҳужумчиси Лионель Месси ва сербиялик теннисчи Новак Жокович нуфузли Associated Press нашри талқинига кўра "йил спортчиси" номинациясида иккинчи ўринни бўлишди.
Уларнинг ҳар бири 16 тадан овоз олди. Япониялик бейсболчи Шохей Охтани 20 овоз билан ғалаба қозонди. Эътибор беринг, Охтани сўнгги уч йил ичида иккинчи марта Associated Press томонидан йилнинг энг яхши спортчиси деб топилди.
Овоз беришда "Денвер Наггетс" ва Сербия миллий баскетбол жамоаси аъзоси Никола Жокич 12 овоз билан тўртинчи ўринни эгаллади.
Эслатиб ўтамиз, аввалроқ Месси Аргентинада йилнинг энг яхши спортчиси деб тан олинганди.
