Мадриднинг “Реал” клуби ҳужумчиси Родриго жароҳат олди.
Бразилиялик футболчи "Алавес"га қарши бўлиб ўтган ва "Лос-Бланкос"нинг минимал ғалабаси билан якунланган учрашувнинг сўнгги дақиқаларида майдонни тарк этди. Родригонинг аҳволи ҳақидаги саволларга бош мураббий Карло Анчелотти жавоб берар экан, гап футболчининг чарчоқлари билан боғлиқлигини айтди. Бироқ Marca нашри хабарига кўра, форвард жума куни тиббий кўрикдан ўтади ва жароҳати оғирлигини аниқлайди.
"Реал Мадрид"нинг навбатдаги ўйини 3 январь куни бўлиб ўтади - Мадрид гранди ўз майдонида "Мальорка"ни қабул қилади.
Жорий мавсумда Родриго “Реал” сафида 24 та ўйинда майдонга тушиб, 10 та гол ва 6 та голли узатмага муаллифлик қилган.
