"Женоа" бош мураббийи Альберто Джилардино ярим ҳимоячи Руслан Малиновскийнинг ўйин даражасини юқори баҳолади.

"Ўзининг хусусиятлари ва тактик мослашувчанлиги билан у ҳал қилувчи бўла оладиган футболчи. У рақиб дарвозасидан бир оз узоқроқда ўйнаган бўлиши мумкин, аммо у ҳимоявий диққат билан ишлашда давом этиши керак.

Агар у шу даражани сақлаб қолса, у биз учун жуда муҳим футболчи", - дейди Альберто Джилардино.

Жорий мавсумда Малиновский клуб сафида 15 та ўйинда майдонга тушиб, 2 та гол урди ва 2 та голли узатмани амалга оширди.

"Женоа" А серияда 14-ўринда бормоқда. Кейинги ўйин 22 декабрь куни сафарда "Сассуоло"га қарши ўтказилади.