Мадриднинг «Атлетико» клуби ҳужумчиси Радамель Фалькао ўзини келажакда бошқа чемпионатда тасаввур қилишини, бироқ ҳозирда «Атлетико»да ўзини жуда бахтли ҳис қилаётганини таъкидлаб ўтди.

«Атлетико»да ўзимни худди уйимдагидек ҳис қиламан. Мен клуб билан шартномам сўнггига қадар қолмоқчиман. Мен фаолиятимда ўзимни қайсидир бошқа миллий чемпионатда синаб кўришимни тасаввур қиламан, аммо ҳозирда фақатгина ўз клубим ҳақида ўйламоқдаман. Мен бу ерда эканимдан, жамоага турли ютуқларни қўлга киритишда ёрдам бераётганимдан хурсандман», дейди Фалькао.

Эслатиб ўтамиз, колумбиялик футболчининг хизматларига «Челси», «Реал», «Манчестер Сити» клублари қизиқиш билдириб келмоқда.