Мэйсон Маунтни "Челси"дан "Манчестер Юнайтед"га трансфер нархи маълум шароитларда ошиши мумкин.

“Қизил иблислар” ярим ҳимоячини ўтган ёзда 55 миллион фунт стерлингга (тахминан 64 миллион евро) сотиб олганди. Шартнома шунингдек, 6 миллион евро атрофида бонусни ҳам ўз ичига олади, агар “Манчестер Юнайтед” лига чемпионлигини қўлга киритса ва Маунт ўша мавсумдаги ўйинларнинг камида 70 фоизида ўйнаса фаоллашади, дея хабар беради The Athletic.

Мэйсон Маунт "Манчестер Юнайтед" сафида Премьер-лигада бор-йўғи саккизта ўйинда майдонга тушган. Ҳозирда 24 ёшли футболчи жароҳатидан даволанишда давом этмоқда.