"Челси" бош мураббийи Маурисио Почеттино бўлажак ўйинда Энцо Фернандесга умид боғлай олмаслигини тасдиқлади.
22 ёшли ярим ҳимоячи яқинда Лига кубоги доирасидаги "Ньюкасл"га қарши ўйинда соғлиги ёмонлашгани учун алмаштирилганди.
Почеттинонинг сўзларига кўра, Фернандес белидан азият чекмоқда, бироқ тез орада майдонга қайтади.
«Энцо «Вулверхэмптон»га қарши ўйинда майдонга туша олмайди. У даволанишга мажбур бўлади. Сиз аллақачон билганингиздек, унинг белида кучли оғриқ бор ва ўзини яхши ҳис қилмади. Ўйлайманки, у тез орада сафга қайтади», - деди «кўклар» бош мураббийи.
Якшанба куни "Вулверхэмптон" ва "Челси" ўртасидаги ўйин бўлиб ўтади. Учрашув Тошкент вақти билан соат 18:00да бошланиши режалаштирилган.
