"Милан" бош мураббийи Стефано Пиоли жамоасининг "Салернитана"га (2:2) қарши ўйини ҳақида фикр билдирди.

“Россонерилар” A сериянинг асосий аутсайдерига деярли ютқазишаётганди, аммо 90-дақиқада Лука Йовичнинг голи эвазига мағлубиятдан қутулиб қолишди.

“Биз кичик хатоларга йўл қўямиз, бироқ улар қимматга тушади ва бу ишончни сўндиради. Ягона ижобий нарса - футболчиларнинг тезкор реакцияси.

Биз характер ва ғалаба учун охиригача курашиш истагини кўрсатдик. Aгар бизда мавжуд бўлган барча голли вазиятларни ҳисобга оладиган бўлсак, тўрт ёки беш марта гол уришимиз мумкин эди. Aфсуски, ўйин давом этар экан, биз "Салернитана"га ўзига ишониш ва ўйинни ўзгартиришга имкон бердик.

Aгар биз буюк жамоа бўлишни истасак, бунга йўл қўймаслигимиз керак", деди Пиоли.