УЕФА "Барселона"ни Чемпионлар лигасидан четлатмоқчи эмаслиги маълум бўлди. Олдинроқ ташкилот молиявий фэйр-плей ва Европа Суперлигасида иштирок этиш қоидаларини қўпол равишда бузганликлари учун “кўк-анорранглилар”ни жазоламоқчи экани хабар қилинганди.
Шу билан бирга, Mundo Deportivo нашри юқоридаги маълумотлар ҳақиқатга тўғри келмаслигини хабар қилади. "Барселона" молиявий фэйр-плей қоидаларини бузмайди ва ҳеч ким клубни навбатдаги Чемпионлар лигасидан четлатмоқчи эмас.
Эслатиб ўтамиз, ушбу Чемпионлар лигасининг 1/8 финалида "Барселона" "Наполи" билан учрашиши керак.
