Италия чемпионатининг 17-тури доирасида «Ювентус» сафарда «Фрозиноне» клуби меҳмони бўлиб, қийин ғалабани қўлга киритди.

Баҳснинг 12-дақиқасида туринликлар ҳужумчиси Кенан Йилдиз ҳисобни очишга муваффақ бўлди. Иккинчи бўлим бошида эса мезбонлар Баэс томонидан урилган гол эвазига ҳисобни тенглаштиришди.

Ўйин тугашига 9 дақиқа қолганида Душан Влахович "кекса синьора"га ғалаба келтирувчи гол муаллифига айланди.

«Бьянконери» ушбу ғалаба туфайли  ўз очколарини 40 тага етказиб олди. Жамоа "Интер"дан 1 очко ортда қолмоқда. "Нерадзурри" тур баҳсини эртага ўтказади.

Италия А серияси, 17-тур
Фрозиноне – Ювентус 1:2 (0:1, 1:1)
Голлар: 0:1 – 12 Йилдиз, 1:1 – 51 Баэс, 1:2 – 81 Влахович.
Фрозиноне – Турати, Лирола (Баэс, 30; Квернадзе, 79), Романьоли, Монтеризи, Лузуарди, Гарритано (Харруи, 69), Джелли, Брешианини, Барренечеа, Соуле, Кайо Жорже (Шеддира, 69).
Ювентус – Шченсни, Камбьязо (Веа, 69), Алекс Сандро (Гатти, 27), Данило, Бремер, Костич (Айлинг, 54), Рабьо, Локателли (Николусси-Кавилья, 54), Маккенни, Йилдиз (Влахович, 55), Милик.
Огоҳлантиришлар: Камбьязо (20), Маккенни (43).