"Челси" ўзининг ярим ҳимоячиси Конор Галлахерни "Тоттенхэм"га маълум суммага сотишга тайёр.
The Sun хабарига кўра, Лондон клуби ўз тарбияланувчисини асосий рақибига 50 миллион фунтдан (тахминан 57,4 миллион евро) камига қўйиб юбормайди. Қайд этилишича, "Челси" раҳбарияти ва мураббийлар штаби Галлахернинг маҳоратини юқори баҳолайди ва уни арзонга сотмоқчи эмас.
Аввалроқ Галлахернинг "Тоттенхем"га ўтиши амалда рад этилгани ҳақида хабар берилганди.
Унинг "Челси" билан амалдаги шартномаси 2025 йилнинг ўрталарига қадар тузилган. Transfermarkt портали англиялик футболчини 42 миллион еврога баҳоламоқда.