"ПСЖ" дарвозабони Жанлуижи Доннарумма футболдаги дарвозабонлик дунёдаги энг зўр касбми деган саволга жавоб берди.
"Бу энг яхши, лекин айни пайтда энг қийин иш. Дарвозабон хатога йўл қўйиши билан дарров иши қийинлашади", - деди Доннарумма.
Жорий мавсумда 24 ёшли дарвозабон барча турнирларда 21 та ўйинда қатнашиб, ўз дарвозасидан 20 та гол ўтказиб юборди ва 9 марта ўз дарвозаси дахлсизлигини сақлаб қола олди.
17 турдан кейин "ПСЖ" 40 очко билан турнир жадвалида пешқадамлик қилмоқда.
Парижликлар навбатдаги ўйинни 3 январ куни Франция Суперкубоги учун “Тулуза”га қарши ўтказади.
