"Тоттенхэм" – "Брентфорд" ҳужумчиси Айвен Тонига яна бир даъвогар.
Бир неча ойдирки, 27 ёшли футболчи учун курашда қишки трансфер ойнасида “Арсенал” ва “Челси” клублари яққол фаворитлар деб ҳисобланмоқда. Журналист Эд Ааронснинг сўзларига кўра, "Тоттенхэм" ҳам Тони билан шартнома имзолаш имкониятини ўрганаётган клублар қаторида. "Брентфорд" аллақачон футболчининг кетиши эҳтимоли катта эканлигини тан олган.
Тони жорий мавсумда майдонга тушмади - у ноқонуний пул тикиш туфайли январь ойи ўрталаригача дисквалификация қилинган. Transfermarkt портали англиялик футболчининг нархини 35 миллион еврога баҳоламоқда.
