"Севилья"нинг аввалги ўйинида "Aтлетико Мадрид" стадионида Серхио Рамосга нисбатан ҳуштакбозлик қилишгани ҳақида хабар берган эдик.
Дастлаб, бу ўз-ўзидан содир бўлгандек туюлди, аммо видеони ўрганаётганда, "Aтлетико" мухлисларини безовта қилган қизиқ бир факт аниқланди.
Гап шундаки, Рамос майдонга кираётганда, катта эҳтимол билан атайлаб, “Aтлетико” эмблемаси устидан югуриб ўтди, ўшанда майдонга киришнинг бошқа усуллари ҳам кўп эди.
Эслатиб ўтамиз, Рамос футболчилик фаолиятининг ўн олти йилини "Aтлетико Мадрид"нинг энг ашаддий душмани "Реал"га бағишлаган.
