"Sevilya"ning avvalgi o‘yinida "Atletiko Madrid" stadionida Serxio Ramosga nisbatan hushtakbozlik qilishgani haqida xabar bergan edik.
Dastlab, bu o‘z-o‘zidan sodir bo‘lgandek tuyuldi, ammo videoni o‘rganayotganda, "Atletiko" muxlislarini bezovta qilgan qiziq bir fakt aniqlandi.
Gap shundaki, Ramos maydonga kirayotganda, katta ehtimol bilan ataylab, “Atletiko” emblemasi ustidan yugurib o‘tdi, o‘shanda maydonga kirishning boshqa usullari ham ko‘p edi.
Eslatib o‘tamiz, Ramos futbolchilik faoliyatining o‘n olti yilini "Atletiko Madrid"ning eng ashaddiy dushmani "Real"ga bag‘ishlagan.
