"РБ Лейпциг" ҳужумчиси Тимо Вернер катта эҳтимол билан жорий мавсум охиригача ҳозирги жамоасида қолади.
Аввалроқ матбуотда немис клуби ҳужумчи учун яхши таклиф тушса, қишда уни тарк этиши мумкинлиги ҳақида хабарлар тарқалган эди. Вернерга даъвогарлар орасида "Манчестер Юнайтед" ҳам бор эди.
Жорий Германия чемпионатида Вернер саккизта ўйин ўтказиб, иккита гол урган. 27 ёшли футболчининг трансфер нархи 17 миллион еврога баҳоланган ва унинг "буқалар" билан шартномаси 2026 йилнинг ўрталарига қадар амал қилади.