"RB Leypsig" hujumchisi Timo Verner katta ehtimol bilan joriy mavsum oxirigacha hozirgi jamoasida qoladi.
Avvalroq matbuotda nemis klubi hujumchi uchun yaxshi taklif tushsa, qishda uni tark etishi mumkinligi haqida xabarlar tarqalgan edi. Vernerga da’vogarlar orasida "Manchester Yunayted" ham bor edi.
Joriy Germaniya chempionatida Verner sakkizta o‘yin o‘tkazib, ikkita gol urgan. 27 yoshli futbolchining transfer narxi 17 million yevroga baholangan va uning "buqalar" bilan shartnomasi 2026 yilning o‘rtalariga qadar amal qiladi.