«Палмейрас»нинг 16 ёшли футболчисига «Барса», «ПСЖ», «МЮ», «Сити» ва «Челси» клублари қизиқиш билдирмоқда.

Бразилиянинг «Палмейрас» клуби 16 ёшли ҳужумчиси Эстеван «Барселоне», «ПСЖ» ва АПЛнинг топ-клублари қизиқиш доирасига тушган.

Футболчининг ўзи «Барса»га ўтишни истамоқда, аммо каталонияликлар бу ишни ортга суришмоқда. "Кўк-анорранглилар"даги молиявий муаммолар туфайли ўйинчини Европанинг бошқа жамоалари қўлга киритиши мумкин.

"Кичик Месси" лақабини олган футболчини «ПСЖ», «Челси», «Манчестер Юнайтед» ва «Манчестер Сити» жамоалари кузатиб боришмоқда.

Эстеван аввалроқ «Барселона»да ўйнашни орзу қилишини айтиб ўтганди. 16 ёшли футболчининг шартномаси товон пули 60 миллион евро этиб белгиланган

Эстеван «Палмейрас»нинг асосий жамоасида дебют қилишга улгурди. У Бразилия U17 терма жамоаси сафида Индонезиядаги ЖЧда 5 та ўйинда 3 та гол урди.

Эстеван 18 ёшга тўлмагунча Европага кела олмайди. «Палмейрас» эса унинг трансфер ҳуқуқини сотиб, футболчи 18га киргунча ўзида олиб қолмоқда.

Октябрь ойида Эстеваннинг отаси Манчестер («Ман Сити»), Лондон («Челси»), Париж («ПСЖ») ва Барселона шаҳарларида бўлди. У ҳам ўғлининг «Барса»га ўтишини истамоқда.