"Ливерпуль" Лиссабоннинг "Спортинг" ҳимоячиси Гонсалу Инасиу хизматларига қизиқиш билдирмоқда, бу ҳақда инсайдер Педро Альмейда ижтимоий тармоқда маълум қилди.
Манбага кўра, ҳозирданоқ музокаралар олиб борилмоқда, футболчининг шартномасида товон пули 60 миллион еврони ташкил қилади.
22 ёшли футболчининг "Спортинг" билан шартномаси 2027 йилнинг 30 июнига қадар амал қилади. "Transfermarkt" портали уни 30 миллион еврога баҳоламоқда.