Бразилиялик машҳур футболчи Пеленинг ўғли Эдиньо Бразилия терма жамоасининг бугунги савияси ҳақида гапирди.
"Бу аллақачон чўзилган инқироз, шубҳасиз, жамоа таназзулга юз тутмоқда. Дадамга бундай терма жамоа ёқмаган бўларди", - деди Эдиньо AFP билан суҳбатда.
Аввалроқ ФИФА Бразилия жамоалари ва клубларини халқаро мусобақаларда иштирок этишдан четлаштириши мумкинлиги ҳақида маълумот пайдо бўлганди.
Эслатиб ўтамиз, Қатарда бўлиб ўтган ЖЧ-2022да Бразилия терма жамоаси чорак финалга қадар етиб бора олганди ва у ерда Хорватия терма жамоасига пенальтилар сериясида мағлуб бўлганди. Бразилияликлар ФИФАнинг янгиланган рейтингида 1784 очко билан бешинчи ўринни эгаллаб турибди. Рейтингда 1855 очко жамғарган Аргентина терма жамоаси етакчилик қилмоқда.
