Мадриднинг “Реал” клуби ҳимоячиси Элиас Зидан январь ойида жамоани тарк этиши мумкин.
Футболчи U-19 жамоаси раҳбари Альваро Арбелоанинг режаларига киритилмаган. Жорий мавсумда Зидан 21 та ўйиннинг атиги 2 тасида майдонга тушди. Ўйин вақтининг камлиги унинг март ойида Евронинг элит-раундига Франция U-19 терма жамоасига киритилишига таъсир қилиши мумкин - бу Элиаснинг клубини ўзгартириш ҳақида қарорининг асосий сабабларидан бири.
Бу тўлиқ трансферми ёки ижарами, ҳозирча маълум эмас. Аммо агар у "Реал"ни тарк этса, "Кастилья" аъзоси Тео Зидан Зинедин Зиданнинг клубда қолган тўрт ўғлидан ягона бўлиб қолади. Энцо ҳозир жамоасиз, Лука эса “Эйбар”да ўйнайди.
Элиас Зидан - Зинединнинг кенжа ўғли. У чап қанотда ва марказий ҳимоячи сифатида ўйнай олади.
