Хитойнинг «Шанхай Шенхуа» футбол клуби Леонид Слуцкий бош мураббий этиб тайинланганини элон қилди.
52 ёшли россиялик мутахассис билан шартнома 2024 йилнинг 1 январидан бошланади.
Леонид Слуцкий 52 ёшда ва Россия футбол иттифоқи терма жамоалар қўмитаси аъзоси. У мураббийлик фаолиятини 1993 йилда Волгограднинг «Олимпия» клубида бошлаган ва 2000 йилгача шу ерда ишлаган.
2001-2003 йилларда «Урал»нинг захира жамоасида, 2003-2004 йилларда эса асосий жамоасида ишлаган.
2005 йилдан 2007 йилгача у «Москва» клубини бошқарган ва у билан Россия кубоги финалига қадар этиб борган. 2008-2009 йилларда Самаранинг «Криля Советов» клуби бош мураббийи бўлган.
«Шанхай Шенхуа» 1993 йилда ташкил этилган. Клуб Хитой Суперлигасида ўйнайди. Ўтган мамлакат чемпионатида жамоа 52 очко жамғариб, турнир жадвалида бешинчи ўринни эгаллади.
«Шанхай Шенхуа» ўз тарихида бир марта Хитой чемпионати (1995) ва бир марта Хитой кубоги (1998) соҳиби бўлган, шунингдек, уч марта (1996, 1999, 2002) Суперкубокни қўлга киритган ва бир марта (2007) Шарқий Осиё чемпиони бўлган.
