«Манчестер Юнайтед» ярим ҳимоячиси Бруно Фернандеш вингер Алехандро Гарначонинг «Астон Вилла»га қарши ўйиндаги иштироки ҳақида фикр билдирди.

Эслатиб ўтамиз, аргентиналик футболчи Унаи Эмери шогирдлари дарвозасига дубл қайд этиб, "манкунианликлар"нинг 3:2 ҳисобида иродали ғалабага эришишига ёрдам берди.

"Бу Гарначонинг энг яхши кўрсаткичи эмасди. Менимча, йўқ. Умид қиламанки, у учун энг яхшиси ҳали олдинда.

Яна битта гол уриб, камида битта голли узатма бериши мумкин эди. Шунга қарамай, Алехандро «Астон Вилла»га қарши яхши ўйнади.

У ҳимояда ҳам жуда яхши эди. Умид қиламанки, Гарначо худди шундай руҳда давом этади”, - деди Фернандеш иродали ғалабадан кейин берган интервьюсида.