"Челси" бош мураббийи Маурисио Почеттино Англия Премьер-лигасининг 19-турида "Кристал Пэлас"га қарши ўйиндан сўнг (2:1) жамоасининг уй учрашувларидаги ғалабали серияси ҳақида гапирди.
"Биз "Стэмфорд Бридж"да ғалабали сериямизни қуришни бошлаймиз. Бу лигада барқарор бўлиш керак. Охирги бир ярим йилда натижалар унчалик яхши бўлмади, шунинг учун ҳам мухлисларимиз олдида ғалаба қозониш жуда муҳим", — деди Почеттино.
"Кристал Пэлас" устидан қозонилган ғалаба "Челси" учун "Стэмфорд Бридж"да барча мусобақалардаги қаторасига тўртинчиси бўлди. "Челси" ҳозирда АПЛ турнир жадвалида 10-ўринни эгаллаб турибди. "Кўклар" 19 учрашув ўтказиб, 25 очко жамғарди.
