"Барселона" ёзда Дуглас Луисни сотиб олишга умид қилмоқда.
Diario Sport хабарига кўра, каталонияликлар ўзларининг таянч ярим ҳимоядаги позициясини фақат вақтинчалик тузатиш эмас, балки яқин йилларда асосий бўладиган футболчи билан мустаҳкамламоқчи. “Астон Вилла” ярим ҳимоячиси устувор вариант сифатида қаралмоқда.
"Блауграна" спорт директори Деку бразилиялик футболчини жамоа учун идеал деб ҳисоблайди ва сўнгги ойларда Луиснинг ўйинларини кузатиш учун бир неча бор Англияга борган.
Ярим ҳимоячининг бозор баҳоси 60 миллион евро экани айтилмоқда, аммо "Астон Вилла" юқори талабни инобатга олган ҳолда 100 миллион еврогача сўраши мумкин.
Жорий мавсумда 25 ёшли футболчи АПЛнинг 18 та учрашувида 5 та гол урди.
