Тожикистон ёшлар терма жамоаси бош мураббийи Мубин Эргашев ҳақли равишда Ўзбекистон ғалаба қозонганини тан олди.
Мубин Эргашев, Тожикистон ёшлар терма жамоаси бош мураббийи:
"Ўзбекистон терма жамоасини ҳақли ғалаба билан табриклайман! Ўйин мухлисларга ёқди. Бунга ишончим комил. Иккала жамоа ҳам ҳимояга ётиб олмади ва олдинга интилди. Мухлислар трибунадан туриб, иккала жамоани ажойиб тарзда қўллаб-қувватлаб туришди. Мухлислар бизни ҳамиша ҳужумга чорлашди. Ҳозиргина кунда Ўзбекистон биздан кўра кучлироқ ва яхшироқ тайёргарликка эгалиги учун ютқаздик. Мусобақа якунланди ва албатта хулосалар қиламиз. Ҳозир эса ташкилотчиларга миннатдорчилик билдираман. Улар ўз ишларига профессионал ёндашишди. Ўзимизни ажралиб қолгандек ҳис қилмадик. Аксинча, ҳар доим эътиборни ҳис қилдик. Раҳмат!"