"Рома" бош мураббийи Жозе Моуриньо аргентиналик ҳужумчи Пауло Дибаланинг "Ювентус" билан 30 декабрь куни бўлиб ўтадиган Италия А Сериясининг 18-тури доирасидаги сафар учрашувида иштирок этиши мумкинлиги ҳақидаги саволга жавоб берди.
"Дибала биз учун мавжуд бўлади", - деди Моуриньо.
Жорий мавсумда аргентиналик 30 ёшли ҳужумчи "Рома" таркибида 14та учрашувида майдонга тушиб, 4та гол урди ва 6та голли узатмани амалга оширди. Дибала сон мушакларидаги жароҳат туфайли Италия чемпионати ва Европа лигасининг сўнгги босқичидаги ўйинни ўтказиб юборганди.
“Рома” А Сериянинг 17 ўйинидан кейин 28 очко жамғариб, олтинчи ўринда, “Ювентус” эса 40 очко билан иккинчи ўринда бормоқда.
