"Астон Вилла" бош мураббийи Унаи Эмери клубнинг қишки трансфер ойнасидаги режалари ҳақида гапирди.
"Биз таҳлил қиламиз ва спорт директори ва клуб раҳбарияти билан учрашамиз, таркибни қандай яхшилаш ва ўзгартиришимиз мумкинлигини муҳокама қиламиз. Эҳтимол, биз ниманидир ўзгартирамиз, лекин 100 фоиз эмас. Агар ўйинчилардан бирида жамоамизга қўшилиш имконияти бўлса, биз ҳушёр бўламиз", - деди Эмери Sky Sports билан суҳбатда.
Эслатиб ўтамиз, 26 декабрь куни Англия Премьер-лигасининг 19-тури доирасидаги ўйинда "Манчестер Юнайтед" ва "Астон Вилла" жамоалари тўқнаш келишди. Жамоалар "Олд Траффорд" стадионида ўйнашди. Учрашув 3:2 ҳисобида "манкунианликлар" фойдасига ҳал бўлди. Премьер-лиганинг 19 та учрашувидан сўнг, "Манчестер Юнайтед" 31 очко билан олтинчи ўринда бормоқда. "Астон Вилла" 39 очко билан учинчи ўринда бормоқда.
