"Манчестер Сити" бош мураббийи Пеп Гвардиоланинг фикрича, одамлар жамоанинг сўнгги натижаларидан хулоса чиқаришга шошилишяпти.
"Мағлубиятга учрасак, чемпионлик пойгасидан чиқиб кетамиз, ғалаба қозонганимизда эса яна қайтамиз. Худди шу нарса рақибларимизга ҳам тегишли.
Хотиржамликни сақлаш керак. Бу йил, биз аллақачон кўрганимиздек, ҳамма нарса содир бўлиши мумкин. Кўп натижаларни кутиш мумкин эмасди" - деди Гвардиола.
Эндиликда "шаҳарликлар" пешқадам "Ливерпул"дан 5 очко ортда қолиб, турнир жадвалида 4-ўринни эгаллаб турибди.
Чемпионатнинг сўнгги 8 учрашувида жамоа 3 марта ғалаба қозонган, 4 марта дуранг ўйнаган ва 1 марта мағлуб бўлган.
