"Реал Мадрид" ярим ҳимоячиси Лука Модрич жамоаси билан ҳар бир дақиқадан завқ олишга ҳаракат қилади.
Эслатиб ўтамиз, 38 ёшли хорватияликнинг шартномаси жорий мавсум охирида якунига етади. Шу билан бирга, футболчининг яна бир мавсум клубда қолиши эҳтимоли бор.
"Мен "Реал Мадрид"да тарих яратишни давом эттирмоқчиман. Мен ўйинлар ва совринларни ютишда давом этмоқчиман.
Умид қиламанки, бу мавсумда нимадир ютамиз. Aлбатта, мен ҳар бир дақиқадан завқ оламан, чунки сайёрамизнинг энг яхши клубида қанча вақт қолишимни билмайман", - дея Модричнинг сўзларини келтиради Madrid Xtra.
Ла Лиганинг ушбу мавсумида Модрич битта гол урди ва учта голли узатмани амалга оширди.
