Германиянинг “Штутгарт” клуби ҳужумчиси Серу Гирасси Англия Премьер-лигасига кўчиб ўтиши мумкин.
Манбага кўра, гвинеялик ҳужумчининг трансферига Лондоннинг "Вест Хэм" клуби қизиқиш билдирмоқда. "Болғачилар" футболчи учун баҳсда "Манчестер Юнайтед" билан рақобатлашиш ниятида.
Серу 2022 йилдан бери "Штутгарт" шарафини ҳимоя қилиб келмоқда. Жорий мавсумда ҳужумчи 15 та учрашувда иштирок этиб, 18 та гол ва 2 та голли узатмани амалга оширди. Футболчининг клуб билан шартномаси 2026 йилнинг ўрталарига қадар тузилган, унинг трансфер қиймати 40 миллион еврога баҳоланмоқда.
