Ҳуқуқлари "Брайтон"га тегишли бўлган ҳужумчи Жуан Педро Англия Премьер-лигасининг икки топ-клуби қизиқиш доирасига тушиб қолди. Бу ҳақда инсайдер Экрем Конур ижтимоий тармоқлар орқали хабар бермоқда.
Манбанинг хабар беришича, 22 ёшли футболчига Лондоннинг “Арсенал” ва “Ливерпуль” клублари қизиқиш билдирмоқда. Иккала клуб ҳам Педрони январдаги трансфер ойнасида қўлга киритмоқчи.
Жорий мавсумда Жуан 26 та учрашувда иштирок этди. Ҳужумчи 13 та гол урди ва иккита голли узатмани амалга оширди. Футболчининг трансфер қиймати 35 миллион еврога баҳоланмоқда ва унинг "чайқалар" билан шартномаси 2028 йилнинг ўрталарига қадар амал қилади.
