"Барселона" ярим ҳимоячиси Педри Испания Суперкубогининг камида битта ўйинида иштирок этиши керак. Журналист Хави Мигель хабарига кўра, футболчи ўз жамоаси билан Саудия Арабистонидаги турнирга йўл олади.
Тиббиёт ходимлари футболчининг соғлиғини хавф остига қўйишни истамагани учун "Барселона" Испания Суперкубоги ярим финалида Педридан фойдаланмаса керак. Агар жамоа финалга чиқса, ярим ҳимоячи ҳал қилувчи баҳсда майдонга тушиши мумкин.
Эслатиб ўтамиз, Педри машғулотларда олган жароҳати туфайли “Барселона”нинг “Алмерия” билан сўнгги ўйинини ўтказиб юборган эди.
