"Жирона"нинг чап қанот ҳимоячиси Мигель Гутьеррес келаси ёзда "Реал Мадрид"ига қайтиши мумкин.
Mundo Deportivo хабарига кўра, "Қироллик клуби" футболчини 8 миллион еврога қайтариб сотиб олиш имкониятига эга. Шу тариқа, мавсум якунида Гутьеррес яна “Реал” футболчисига айланиши мумкин. У 2011 йилдан 2022 йилгача Мадрид клуби тизимида бўлган.
Мигелнинг "Сантьяго Бернабеу"даги келажаги Карло Анчелотти томонидан ҳал қилинади. Агар 22 ёшли ҳимоячи италияликларнинг режаларига кирмаса, у ҳолда "Реал" Гутьерресни сотади. Яқинда футболчига "Арсенал" ва "Бавария" қизиқаётгани хабар қилинганди.
Гутьерреснинг "Жирона" билан шартномаси 2027 йилгача амал қилади.
