Дортмунднинг “Боруссия” клуби “Челси”нинг кўп қиррали чап қанот ҳимоячиси Ян Матсенга навбатдаги даъвогарга айланди, деб хабар бермоқда Bild.
21 ёшли нидерландиялик футболчи немис клубининг қишки трансфер ойнасидаги мақсадларидан бири. У Африка кубогига кетадиган Реми Бенсебаинига ўринбосар сифатида кўрилмоқда. Захира вариант сифатида “Манчестер Юнайтед”да ижара асосида ўйнаётган “Тоттенхэм”дан Серхио Регилон бор.
Ҳозирда "Боруссия" Матсеннинг трансфери бўйича келишиб олиш йўлларини изламоқда, чунки лондонликлар талаб қилаётган тўлиқ трансфер учун сумма жуда катта ҳисобланмоқда.
Чегирма олиш қийин, чунки "Челси"да бу борада чекловлар мавжуд.
Дастлабки маълумотларга кўра, Иан учун "Манчестер Сити" ва "Бёрнли" ҳам даъвогарлик қилмоқда. Жорий мавсумда у Премьер-лиганинг 12 ўйинида атиги 200 дақиқа ўйнади.
