"Лас-Пальмас" бош мураббийи Гарсия Пимьента "Барселона"га қарши бўлиб ўтадиган ўйин олдидан фикр билдирди.
Учрашув 4 январь куни бўлиб ўтади. 18 турдан сўнг "блауграна" 38 очко билан Ла Лигада тўртинчи ўринда, 25 очко тўплаган "Лас-Пальмас" эса 9-ўринда бормоқда.
"Мен "Барселона"ни мағлуб этишни жуда хоҳлайман, чунки бу ғалаба мухлислар ва футболчилар учун жуда муҳим бўларди. Бироқ, биз реалистик бўлиб қолишимиз керак. "Барселона" бу мавсумда чемпионлик учун курашади ва биз гол уриш ва ғалаба қозониш учун қўлимиздан келганича ҳаракат қилишимиз керак", - дея Пимьента сўзларини келтиради Barca Universal.
