Белгиянинг "Брюгге" клубида ўйнаётган 24 ёшли канадалик ярим ҳимоячи Тэйжон Бьюкенен шу ҳафтада "Интер" сафига қўшилиши мумкин.
Бу ҳақда Х (собиқ Твиттер) ижтимоий тармоғида журналист Фабрицио Романо хабар берди.
Манба таъкидлаганидек, бу трансфер "Интер"га бонуслар билан бирга 10 миллион еврога тушади. Италия клуби белгиялик билан бугун, 1-январь куни ҳам музокаралар олиб бормоқда ва келишувни шу ҳафта, чамаси чоршанба куни якунлаш умидида.
Эслатиб ўтамиз, Бьюкенен 2022 йилнинг январида "Брюгге" таркибига келиб қўшилган ва трансфермаркт маълумотларига кўра Aмериканинг "Нью-Энгленд" клубидан 6,36 миллион евро эвазига кўчиб ўтганди.
Унинг ҳозирги нархи 8 миллион еврога баҳоланмоқда.
Жорий мавсумда вингер барча турнирларда 20та ўйин ўтказиб, 3та гол урди ва 4та голли узатмага муаллифлик қилган.
