«Арсенал» раҳбарияти аъзоларидан бири Дик Лоу Давид Вильянинг трансфери борасидаги музокараларни амалга ошириш учун Испанияга келди. Бу ҳақда gоаl.cом хабар бермоқда.
Лондон клуби Вильяни қишки трансфер ойнаси ёплигунга қадар ўз сафига қўшиб олмоқчи. Футболочининг ўзи ҳам Лондонга кўчиб ўтишга қарши эмас, чунки унга «Барселона»да етарлича майдонга тушиш имконини беришмаяпти.
Трансфер 14 миллион еврога баҳоланган. Футолчининг ўзи эса «Арсенал»да ҳафтасига 110 минг евро олиши мумкин. Трансфернинг амалга ошишига «Барселона»нинг ҳамон лондонликларга Александр Сонг ва Сеск Фабрегаснинг хариди учун қолган суммани бермагани ҳам сабаб бўлиши мумкин.