Италия терма жамоаси бош мураббийи Лучано Спалетти Европа Суперлигаси жонланиши ҳақидаги маълумотларга изоҳ берди.
“Афтидан, фақат кучли одамлар қоидаларни ёзиши мумкин. Улар ўзларининг футбол ғояларини бизга юкламоқчи. Бироқ, улар бир нарсани тушунишмайди: одамлар ўзлари узоқ вақтдан бери севиб келаётган анъанавий футболни танлайдилар", - дейди мутахассис.
Европанинг кўплаб клублари Суперлигада иштирок этишдан бош тортган. Ҳозирда лойиҳа иштирокчилари орасида фақат “Реал Мадрид” ва Каталониянинг “Барселона” клублари бор.
