Мадриднинг “Реал” клуби бош мураббийи Карло Aнчелотти келаси ёзда Бразилия терма жамоасини бошқариши мумкинлиги ҳақидаги саволга жавоб берди.
Олдинроқ италиялик мутахассис "Реал" лагерини тарк этиб, Бразилия терма жамоасига қўшилиши ҳақида хабар берилганди.
Бироқ яқинда клуб Aнчелотти билан шартномани 2026 йилгача узайтиришини эълон қилди.
"Ҳақиқат шуки, мен Бразилия федерацияси президенти билан алоқада бўлганман. Менга бўлган севгиси ва қизиқиши учун унга раҳмат айтмоқчиман.
Бу мен учун катта шараф, лекин охир-оқибат ҳаммаси мен хоҳлагандек бўлди - шу ерда қоламан", - дея Aнчелоттининг сўзларини келтиради Madrid Universal.
