Мадриднинг “Aтлетико” клуби ҳужумчиси Aлваро Мората “Интер”га ўтмагани ҳақида маълумот берди.
"Тўғри, "Интер"га ўтишга яқин тургандим, лекин ўша пайтда менда кўп вариантлар бор эди.
Диего Симеоне билан суҳбатдан сўнг, мен учун энг яхши вариант бўлган "Aтлетико Мадрид"да қолишга қарор қилдим", - дея Моратанинг сўзларини келтирмоқда Diario AS.
2023/24 йилги мавсумда испаниялик футболчи "Aтлетико" таркибида 23 ўйинда майдонга тушиб, 14 та гол урди ва 3 та голга ассистентлик қилди.
18 турдан сўнг Симеоне жамоаси 38 очко билан Испания чемпионати турнир жадвалида учинчи ўринда бормоқда.
