Испаниянинг “Барселона” ва Голландия терма жамоасининг собиқ футболчиси Жованни ван Бронкхорст Туркиянинг “Бешиктош” клуби билан жамоа бош мураббийи бўлиш учун музокаралар олиб бормоқда.
Бу ҳақда журналист Николо Скира Х (собиқ Твиттер) ижтимоий тармоғидаги саҳифасида маълум қилди. Голландияликнинг охирги иш жойи Шотландиянинг "Рейнжерс"и бўлган.
Россия терма жамоасининг собиқ мураббийи Станислав Черчесов ушбу лавозимга номзодлардан бири экани аввалроқ хабар қилинганди. Ундан ташқари “Бешиктош” бош мураббийлиги учун Фабио Каннаваро, Славен Билич, Хорхе Сампаоли, Рууд ван Нистелрой, Франк де Бур ва Бруно Женесио давогарлик қилмоқда.
48 ёшли Жованни ван Бронхорст “Рейнжерс”ни 2021 йилнинг ноябридан 2022 йилнинг ноябригача бошқарган. Aввалроқ футболчилик фаолияти давомида “Aрсенал”, “Фейеноорд”, “Ваалвейк”, “Рейнжерс” ва “Барселона” клубларида тўп тепган.
