Суд Франциянинг “Ницца” клуби ҳимоячиси Юсуф Аталга ҳукм чиқарди.

Октябрь ойида Исроил ва Фаластин ўртасидаги можаро фонида жазоирлик футболчи ижтимоий тармоқларда яҳудийларни "қора кун"га чақирувчи видеони жойлаштирган эди. Кейин у видеони ўчириб ташлади ва узр сўради.

27 ёшли Атал ноябрь ойида ҳибсга олинган ва унга ирқий адоват қўзғаганликда айбланган.

RMC Sport нашри хабарига кўра, 3 январь куни Атал айбдор деб топилиб, шартли жазо билан 8 ойлик қамоқ жазосига ҳукм қилинган, шунингдек, 45 минг евро жаримага тортилган.

Октябрь ойида Атал Франция чемпионатининг еттита ўйинига дисквалификация қилинди ва "Ницца" футболчини кейинги огоҳлантиришгача дисквалификация қилди. Шу билан бирга, Атал 13 январь куни старт оладиган Африка Миллатлар Кубогида иштирок этиш учун терма жамоага чақирилди.